Kinesarar ætla at koppseta trý ára gomul

Kinesarar hava nú gjørt av at koppseta børn niður í trý ára aldur.

Tað skrivar tíðindastovan AP. 

Í fimm landspørtum verður harafturat kravt, at børn millum 3 og 11 ár skulu verða koppsett.

Hetta verður gjørt, tí at smittan aftur hevur tikið dik á seg í Kina. 76 prosent av fólkatalinum í Kina eru liðugt koppsett. Tað merkir, at 1 milliard og 70.000 fólk eru liðugt koppsett. Tilsamans búgva 1,4 milliardir fólk í Kina.

Í juni vóru tvey koppingarevni góðkend í Kina til at koppseta børn millum 3 og 17 ár. Higartil hava kinesisku myndugleikarnir tó bara koppsett børn eldri enn 12 ár.