Fasti gerðarrættur frídømt Fíggjarmálaráðið

Fasti gerðarrættur hevur frídømt Fíggjarmálaráðið í einum máli, sum felagið hjá sjúkrarøktarfrøðingum byrjaði í mai.

Felagið kravdi, at Fíggjarmálaráðið skuldi viðurkenna, at tað er sáttmálabrot, tá lýst verður eftir fakligum stjóra til Gigni at seta í lønarflokk sum leiðari fimm, og tað er eisini sáttmálabrot, at lýst verður eftir varaleiðara til Gigni at seta í lønarflokk sum leiðari trý.

Men tað heldur Fasti gerðarrættur ikki, hann frídømdi Fíggjarmálaráðið.

Talan er ikki um sáttmálabrot.

Viðvíkjandi stjórastarvinum eru tveir stjórar seinastu trý árini settir í lønarflokk sum leiðari fimm uttan stórvegis mótstøðu frá felagnum hjá sjúkrarøktarfrøðingum.

Felagið hevur við sínum passiviteti góðkent hesa flokking, sigur Fasti gerðarrættur.