Nógv færri arbeiðsóhapp í fjør

Í fjør varð boðað frá 173 arbeiðsóhappum í Føroyum.

Hetta er nógv færri enn í 2019, tá 227 óhapp vóru fráboðað.

Serliga vóru færri kvinnur í arbeiðsóhappum í fjør, 38 færri enn í 2019.

Hjá monnum er talið 16 færri í fjør.

Korona orsøkin

Arbeiðs- og brunaeftirlitið heldur, at korona er ivaleyst stórur partur í frágreiðingini um, hví færri arbeiðsóhapp vóru í fjør.

Men færri fólk doyðu í arbeiðstíðini í 2019 enn í 2020. Ein deyðsvanlukka var í 2019 og tríggjar í 2020.

Í 2019 og 2020 vóru tvey mál um arbeiðsóhapp við fyrisitingarligum sektaruppskoti.

Men talið kann gerast størri, tí øll málini frá 2019 og 2020 eru ikki avgreidd enn.