- Tíðindi, mentan og ítróttur
Fær ikki fólkapensjón í Føroyum
Fær ikki fólkapensjón í Føroyum
Kærunevndin hevur staðfest eina avgerð hjá Almannaverkinum
![](https://kvf.fo/sites/default/files/styles/grein-ovasta-mynd/public/almannaverkid_02_0.jpeg?itok=vcKkGgUm)
Eitt mál um fólkapensjón varð lagt fyri kærunevndina, og Almannaverkið fekk viðhald í kærunevndini.
03.11.2021 - 08:39
Fólk, sum hava búð í Føroyum styttri enn trý ár, kunnu ikki fáa føroyska fólkapensjón.
Kærunevndin í almanna-, familju- og heilsumálum hevur staðfest ein avgerð hjá Almannaverkinum um hetta.
Tann, sum søkti um føroyska fólkapensjón, búði í Føroyum minni enn eitt ár, bara í níggju mánaðir, hóast hann helt uppá, at hann arbeiddi í Føroyum í 15 mánaðir.
Hann sigur, at hann fær pensjón úr øðrum londum, sum hann hevur arbeitt í, so sum Grønlandi, Álandi, Noregi og Finnlandi.
Sambært norðurlendskari avtalu hava fólk rætt til føroyska pensjón, hava tey búð í Føroyum í eitt ár.
Nýggjastu sendingar í ÚV
Nýggjastu sendingar í SV