805 fleiri fólk seinasta árið

Seinasta árið er fólkatalið vaksið 805 fólk, og 1. oktober var fólkatalið 53.513.

Vøksturin er hálvt annað prosent, vísa tøl frá Hagstovuni.

Fólkatalið vaks mest í Suðurstreymi, og størsta afturgongdin var í Sandoyar-økinum.

Vøksturin í fólkatalinum seinasta árið er lutfalsliga tann sami, sum hann var 12 mánaðir frammanundan, tá vøksturin eisini var 1,5 prosent. 

Seinastu fýra árini hevur vøksturin ligið millum 1,5 og 1,8 prosent um árið, sigur Hagstovan.

Sí meira um hagtølini her.