Koronukanningar fluttar av veðri

Illfýsið veður um vikuskiftið, hevur við sær, at koronukanningarnar í Havn, flyta av Eystaru Bryggju og út á Eirargarð í dag og í morgin, upplýsir sjúkrahúsverkið á korona.fo.

Í dag og í morgin verður koronakannað í samkomuhøllini hjá Sjúkrahúsverkinum á Eirargarði. Tað eru somu høli, sum verða nýtt til koronakoppsetingina.

Orsøkin til flytingina er illveðrið sum væntast um vikuskiftið, og tá er neyðugt at koronakanningarnar eru innandurða.

Skulu fólk kannast, skulu tey bíleggja tíð á korona.fo og møta stundisliga.

Fólk mugu úr bilinum og inn í samkomuhøllina, har kanningin fer fram.

Tað er krav at nýta munnbind í hølunum, og almennu tilmælini eru galdandi, skrivar sjúkrahúsverkið.