Spreingingin í Liverpool var ein yvirgangsatsókn

Tað var ein yvirgangsatsókn, tá ein hýruvognur sprongdist uttan fyri eitt sjúkrahús í Liverpool í gjár.

Ið hvussu var talan um ein roynd at fremja yvirgang.

Tað sigur bretska løgreglan, sum hevur handtikið fýra mans í sambandi við spreingingina. Menninir eru allir í tjúgunum.

Ferðafólkið doyði

Eitt fólk var í hýruvogninum, sum stóð uttan fyri sjúkrahúsið, tá ein spreingiløðing í bilinum brast.

Ferðafólkið doyði, men hýruvognsførarin fekk ikki stórvegis mein, og var skjótt útskrivaður. 

Annan sunnudag á hvørjum ári verður skipað fyri minningarhaldi í Bretlandi fyri hermenn, sum doyðu í seinna heimsbardaga.

Spreingingin uttan fyri sjúkrahúsið í Liverpool var beint fyri, at gudstænastan í dómkirkjuni stutt haðani skuldi byrja.