Makrelurin størsta útflutningsvøran

Meginparturin av fiskaútflutninginum higartil í ár er makrelur.

Sambært nýggjastu uppgerðini av fiskavøruútflutningi hjá Hagstovuni, eru 79.675 tons av makreli útflutt. Vøksturin er tvey prosent samanborið við í fjør.

Næststørsta nøgdin er laksur.

Higartil eru útflutt góð 56.000 tons av laksi í ár. Hetta er munandi meira enn í fjør, góð 14.000 tons, ella 33 prosent meira.

Minni av slógvi og fiskaúrdrátti

Hinvegin er nøgdin av slógvi og fiskaúrdráttum minkað 35 prosent, niður í umleið 52.000 tons.

Toskaútflutningurin er minkaður 13 prosent, útflutningurin av svartkalva er minkaður 12 prosent og av upsa 10 prosent. Útflutningurin av hýsu er vaksin fimm prosent.,

Samlaða nøgdin er vaksin eitt prosent, svarandi til 3.500 tons.