Týskland vil hava fleiri at koppseta seg

23.11.2021 - 09:26
AktueltÚtheimurin
Týskland vil hava fleiri at koppseta seg
Týski heilsumálaráðharrin ávarar um koronustøðuna, og læknar rópa eisini varskó
Jens Spahn, heilsumálaráðharri í Týsklandi, sigur, at tá hesin veturin er av, eru flestu týskarar koppsettir, frískir av koronu, ella deyðir av koronu.
Mynd: RitzauScanpix  
 

Myndugleikarnir í Týsklandi vilja hava fleiri at koppseta seg fyri koronu. Tað hendir, samstundis sum talið á smittaðum hækkar við rúkandi ferð, skrivar NTB.

Týski heilsumálaráðharrin, Jens Spahn, kom í gjár við eini álvarsligari ávaring til týska fólkið.

Hann segði, at tá hesin veturin er av, eru flestu týskarar koppsettir fyri koronu, frískir av koronu, ella deyðir av koronu.

Spahn vísir á skjótt smittandi deltaslagið av koronu, sum ger um seg um alt Europa í løtuni, og hann heitti staðiliga á fólk um at lata seg koppseta.

Læknar rópa eisini varskó

Støðan við koronu er nú so álvarslig í Týsklandi, at fleiri læknar rópa varskó, skrivar Flensburg Avis.

Í Sachsen sigur formaðurin fyri læknarnar, Erik Bodendieck, at starvsfelagar skjótt koma í ta støðu, at teir verða noyddir at velja ímíllum at viðgera fólk, ella at lata tey doyggja uttan viðgerð.

Tað sama sigur formaðurin fyri læknarnar, sum taka ímóti sjúklingum, Gernot Marx.

- Vit hava ikki tamarhald á støðuni í løtuni. Í økjum sum Bayern, Thu:ringen og Sachsen, er støðan so álvarslig, at pláss ikki er fyri sjúklingum, sum tí mugu sendast til onnur sjúkrahús, og alt annað virksemi er um at steðga, sigur læknin.

Er kopiera
Nýggjastu sendingar í ÚV
Týsdag 7. desember
2SOME: Nýggj duo og nýtt staklag
132431
Týsdag 7. desember
NiviNaja 6. partur
33819
Týsdag 7. desember
Óhoyrt: Jamaika, Cholo Goth og ísur
132422
Týsdag 7. desember
Tempo 07 des 2021
132420
Týsdag 7. desember
Góðan morgun Føroyar 07. desember 2021
132397
Nýggjastu sendingar í SV
Mánadag 6. desember
3-2
132386
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320