- Tíðindi, mentan og ítróttur
Frakland mælir til kreppufund í ES um migrantar
Frakland mælir til kreppufund í ES um migrantar
- Frakland fer ikki at góðtaka, at Ermasund verður ein kirkjugarður fyri migrantar, segði franski forsetin eftir at 27 migrantar í gjár druknaðu á veg til Bretlands
27 migrantar druknaðu í Ermasundi í gár. Frakland krevur nú kreppufund í ES um støðuna
Mynd: Francois Lo Presti/AFP/Ritzau Scanpix
25.11.2021 - 07:15
Franski forsetin, Emanuel Macron, mælir til kreppufund í ES um støðuna við migrantum í samveldinum.
Tað skrivar Reuters.
Boðini frá franska forsetanum koma, eftir at 27 migrantar druknaðu í gjár, tá teir royndu at koma sær um rmasund til Bretlands.
- Frakland fer ikki at góðtaka, at Ermasund verður ein kirkjugarður fyri migrantar, segði franski forsetin.
Ógreitt hvørjir migrantarnir vóru
Tvey fólk vórðu bjargað úr søkkandi bátinum, upplýsti franski innanríkisráðharrin, Gerald Darmanin.
Enn er ógreitt, hvaðani druknaðu fólkini vóru.
Bretski forsætisráðharrin, Boris Johnson, sigur, at tað er neyðugt at økja eftirlitið, tí brotsmenn sum senda fólk um Ermasund, alla tíðina broyta framferð, sigur Boris Johnson.
Gerald Darmanin, franski innlendismálaráðharrin, tosar við tíðindafólk uttanfyri eitt sjúkrahús í Calais í gár
Er kopiera
Nýggjastu sendingar í ÚV
Nýggjastu sendingar í SV
