Shipping.fo: Vit eru bara tænastuveitarar

bannari
26.11.2021 - 14:07
AktueltSamfelag
Shipping.fo: Vit eru bara tænastuveitarar
Shipping.fo vísur aftur, at tey reka marglætisskipið Enigma XK. Á heimasíðuni shipping.fo stendur, at Enigma er "vessel in management".
Shipping.fo afturvísur at reka Enigma XK ella nakað annað skip, hóast tey á heimasíðuni siga seg "managa" Enigma XK. Talan er um ymiskar tænastuveitingar, sigur Shipping.fo
 

- Vit reka ikki Enigma XK, eins og vit heldur ikki reka nakað annað skip. Vit eru tænastuveitarar, og í førinum við Enigma XK er bert talan um ISM/HSEQ tænastur, tí Enigma XK hevur ikki verið í sigling í koronatíðina.

Tað skrivar Jónas Sigmarsson, stjóri í Shipping.fo, í skrivligum svari, sum er sent Kringvarpinum.

Á heimasíðuni hevur Shipping.fo fleiri skip, ið verða lýst sum skip, sum tey hava í "management". Skip, sum tey á føroyskum hava leiðslu av, reka, stjórna ella umsita.

Jónas Sigmarsson sigur, at tey hava ongantíð fingið ábendingar um, at skipið er ogn hjá Joseph Kabila, fyrrverandi forseta í Kongo.

Tey hava hinvegin fingið upplýst, at Wan-familjan eigur Enigma XK.

Felagið MW Afritec, sum er skrásett á Marshall-oyggjunum, stendur til at eiga Enigma XK. Tað er felag hjá Wan-familjuni.

- Tænastuveitingar okkara fevna um manningartænastur, ISM/HSEQ tænastur og bókhald. Hetta er okkara høvuðsveiting til allar okkara kundar, sum harvið spara arbeiðsorku og pengar við at útveita slíkt virksemi, sigur Jónas Sigmarsson.

- Hugtakið "manningartænastur" fevnir millum annað um at skaffa manningar, á- og avmynstran og lønarútgjaldingar. ISM/HSEQ tænastur eru altjóða maritim krøv og trygd, og bókhald snýr seg um at bóka og flyta rokningar fyri rakstrarútreiðslur í føroyskum feløgunum eftir boðum frá leiðslunum í feløgunum,at flyta lønir til manningar umvegis føroysku A-skattaskipanina, tá skip eru skrásett í Føroyum, og at bóka inntøkur, sum leiðslan í tí einstaka felagnum biður okkum bóka, skrivar Jónas Sigmarsson.

Shipping.fo upplýsir, at Enigma XK hevur ikki siglt í koronutíðini, og tað eru bara ISM/HSEQ tænastur, sum Shipping.fo hevur veitt Enigma XK seinastu tíðina.

Jónas Sigmarsson vil ikki gera bandaða samrøðu við Kringvarpið um málið.

Tað vil Eiler Jacobsen, sum er nevndarformaður í Shipping.fo og stjóri í Krúnborg, heldur ikki.

Felagið Krúnborg eigur Shipping.fo.

Er kopiera
Nýggjastu sendingar í ÚV
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Hósdag 30. juni
Summarmorgun 300622
141667
Nýggjastu sendingar í SV
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491
Leygardag 25. juni
Video: 10mf, jóansøka 2022
141489