2.330 tons minni av toski í Barentshavinum

29.11.2021 - 15:56
AktueltVinna
2.330 tons minni av toski í Barentshavinum
Úrslitið av sínámillum fiskirættindasamráðingunum ímillum Føroyar og Rusland, sum vóru í Havn í farnu viku, er, at toskakvotan minkar nógv
Toskakvotan í Barentshavinum minkar nógv næsta ár
Mynd: Savnsmynd  
 

Toskakvotan í russiska partinum av Barentshavinum verður góð 2.330 tons minni í 2022, enn hon er í ár.

Hýsukvotan er um 400 tons minni, kvotan av flatfiski verður tann sama, 900 tons, og rækjufiskiskapurin minkar nógv, úr 4.000 tonsum, niður í 2.500 tons.

Tað er fyribilskvota, tí ein kanning skal gerast av rækjufiskiskapinum í russiska partinum av Barentshavinum, og tá kanningarnar eru lidnar, skulu partarnir tosa saman aftur.

Tað var úrslitið av sínámillum fiskirættindasamráðingunum ímillum Føroyar og Rusland, sum vóru í Havn í farnu viku.

 

Fiskifrøðingar mæltu til 20 prosent minking

Rusland missir eisini kvotu í føroyskum sjógvi.

Svartkjaftakvotan minkar úr 82.000 niður í 75.000 tons, kvotan av makreli minkar úr 14.500 niður í 13.300 tons, og kvotan av sild minkar úr 10.000 niður í 9.200 tons.

Í summar mæltu fiskifrøðingar til, at toskaveiðan í Barentshavinum minkar 20 prosent næsta ár.

ICES mælir til, at veiðan ikki fer upp um 708.480 tons. Tilmælið fyri 2021 er 885.600 tons.

ICES mælir eisini til at fiska 50.000 tons minni hýsu.

 

Minni av toski enn fyrr hildið

Orsøkin til toskatilmælið fyri 2022 er, at kanningar nú hava víst, at minni fiskur er í Barentshavinum enn fyrr hildið. 

Aðrar samráðingar um sínámillum fiskirættindi fyri næsta ár, eru á skránni næstu dagarnar.

Mikudagin og  hósdagin verða samráðingar við Grønland í Keypmannahavn, og týsdagin og mikudagin í næstu viku vera samráðingar við Noregi í Havn, upplýsir Andras Kristiansen, deildarstjóri á Fiskivinnustovuni.


 

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750