ES hóttir Russland við revsitiltøkum

Londini í ES eru til reiðar at seta revsitiltøk í verk, um Russland fer at keypa á Ukraina. 

Tað hevur vakt stóran ans og ørkymlan, at russiska stjórnin hevur sent túsundatals hermenn til markið millum Ukraina og Russland.  

Í gjár hittust allir uttanríkisráðharrarnir í ES á fundi í Brússel, har kjakast var um kreppuna, sum er við markið millum Russland og Ukraina. 

ES-londini leggja dent á, at tað fær álvarsligar politiskar og fíggjarligar avleiðingar fyri Vladimir Putin, forseta, og stjórnina í Kreml, um tey leypa á Ukraina. 

Vesturlendskar fregnartænastur halda, sambært BBC, at í løtuni eru umleið 100.000 russiskir hermenn við markið.