Ríkið undantikið koronukanningum

Fólk, sum búgva í Føroyum ella Grønlandi, og koma haðani, skulu ikki vísa eina koronukanning, tá tey koma til Danmarkar.

Reglurnar um koronukanningar í Danmark koma í gildi mánadagin og vara fyribils til 17.januar 2022.

Men tær eru ikki galdandi fyri fólk, sum koma úr Føroyum, heldur ikki fyri tey, sum búgva í Danmark.

Ríkisfelagsskapurin er undantikin í nýggju donsku reglunum um koronukanningar.

Reglan er annars, at fólk skulu hava eina PCR-kanning, sum ikki er eldri enn 72 timer, ella eina snarkanning, sum ikki er eldri enn 48 tímar, tá tey koma til Danmarkar.

Hetta er eisini galdandi fyri fólk, sum eru koppsett.

Tey, sum ikki halda kravið um koronukanning, kunnu fáa 3.500 kr. í sekt.