Semja við ES um nýggjar sáttmálar

Føroyar og ES-nevndin eru komin á mál við samráðingunum um eina rammuavtalu, sum gevur Føroyum møguleika at gerast partur av øllum samstarvsskráum hjá ES, sum loyva atlimaskap fyri lond, sum ikki eru í ES. 

Føroyar og ES hava gjørt avtalu, sum tryggjar, at føroyski atlimaskapurin í granskingar- og menningarsamstarvinum hjá ES heldur fram. 

Hon fór annars úr gildi fyri einum ári síðani.

Tí skal nýggjur sáttmáli gerast við ES um føroyskan atlimaskap í Horizon Europe komandi sjey árini.

Í løgtingið

Ætlanin er nú at leggja uppskot til samtyktar fyri løgtingið um at góðkenna sáttmálan.

Fíggjarligu treytirnar í nýggju avtaluni eru tillagaðar, so størri javnvág verður millum gjald og úrtøku. 

Í nýggja Horizon Europe sáttmálanum verður gjaldsfrymilin fyri Føroyar broyttur, so gjaldið verður javnað eftir ítøkiligu úrtøkuni.

Føroyar hava verið við í Horizon Europe síðani 2010.