- Tíðindi, mentan og ítróttur
WHO: Omikron ein hóttan fyri fólkaheilsuna

Omikron--frábrygdið smittar so illa, at tað framvegis er ein hóttan fyri fólkaheilsuna kring allan heimin.
Tað staðfestir ST-heilsustovnurin, WHO.
Stovnurin vísir á, at smittutølini vaksa við rúkandi ferð í fleiri londum, fyrst og fremst tí omikron-frábrygdið er meira mótstøðuført móti andevnum, og at tað smittar verri og skjótari enn onnur frábrygdi.
Fleiri kanningar benda á, at smittaði fólk ikki verða heilt so illa fyri av omikron, sum av øðrum frábrygdum av covid-19. Ein bretsk kanning sigur, at sannlíkindini fyri, at verða innlagdur við omikron eru millum 50-70% minni, enn um talan var um okkurt annað frábrygdi. Men enn er mest talan um ábendingar og WHO metir eisini, at høgu smittutølini, sum eru í løtuni, kunnu leggja stórt trýst á heilsuverkini kring heimin.


























