Korona rakar strandfaraskip

Korona kann fara at gera seg inn á ferðaætlanina hjá strandfaraskipunum.

Strandfaraskip landsins skriva í dag, at seinastu dagarnar eru koronasmitta staðfest hjá manningum umborð á skipunum.

Hetta hevur higartil ikki ávirkað siglingina hjá Strandferðsluni, hóast partar av manningum nú eru farnir í sóttarhald. 

Um smittutalið fer at vaksa, kann tó væntast, at hetta fer ávirka ferðaætlanina á einstøkum leiðum, skriva Strandfaraskip landsins.