Skammlop var orsøk til eldsbruna í Nólsoy

Klokkan trý korter til fimm seinnapartin í gjár var boðað frá eldi í Nólsoy.

Sløkkiliðið var skjótt á staðnum, men tá var eldurin longu sløktur.

Eitt skammlop í einari samlidós var orsøkin til fráboðanina um eld.

Um trý-tíðina í nátt fekk politiið fráboðan um leysa takplátu í Fuglafirði.

Annars eru ikki komnar fráboðanir um stormskaðar í nátt og í morgun.