Roberta Metsola nýggj forkvinna í ES-tinginum

Roberta Metsola av Malta var í gjár vald til forkvinnu í ES-tinginum. Tað var sama dag, sum hon fylti 43 ár. Og hon verður forkvinna í ES tinginum í hálvt triðja ár.

Hon er fyrrverandi løgfrøðingur og tekur við eftir italienaran, David Sassoli, sum doyði í farnu viku. Tað var avgjørt, at Sassoli skuldi leggja frá sær seinast í januar.

Roberta Metsola er partur av konservativa bólkinum í ES-tinginum, sum er størsti bólkurin.

Hon hevur sitið í ES-tinginum síðani í 2013, og hevur verið næstforkvinna seinastu árini.

Hevur gott orð á sær

Eygleiðarar halda einki løgið vera í, at hon verður vald til forkvinnu, tí hon hevur gott orð á sær sum politikari í ES.

Men hon hevur eisini síni sjónarmmið, sum hon ikki fæst at víkja frá.

Metsola er ímóti fríari fosturtøku, og tað hevur ofta elvt til hvast orðaskifti í tinginum.

Serliga frá teimum á vinstraveinginum, sum vilja hava fría fosturtøku í ES, skrivar Ritzau.