Jacob Vestergaard er nú næstformaður í Uttanlandsnevndini

Uttanlandsnevndin hjá løgtinginum er ikki liðug at viðgera lofteftirlitsradaran enn.

Hann er aftur á skrá fyri nevndarfundin seinnapartin mánadagin.

Jenis av Rana, landsstýrismaður, ráðførdi seg við nevndina 9.desember í fjør um radaran, men nevndin hevur ikki svarað honum enn. 

Jacob næstformaður

Í gjár komu Jacob Vestergaard og Elsebeth Mercedis Gunnleygsdóttur í Fólkaflokkinum í nevndina fyri Brand Sandoy og Anniku Olsen, sum ikki eru í tinginum longur.

Beinir Johannesen er tiltakslimur hjá Jacob Vestergaard og Jákup Mikkelsen hjá Elsebeth Mercedis Gunnleygsdóttur.   

Jacob Vestergaard er næstformaður í Uttanlandsnevndini.