Stríðsval í Fiskimannafelagnum: Her eru valevnini

Inntøkan hjá fiskimonnunum er støðugt minkað seinastu árini, og teir mugu í stóran mun sjálvir rinda eftirlønina.

Tað sigur Mortan Berjastein, sum stillar upp til formansvalið í Fiskimannafelagnum.

Hann sat í nevndini hjá Fiskimannafelagnum frá 2011 til 2019, tá ið hann ikki stillaði upp aftur.

Mortan Berjastein sigur seg kunna betra um viðurskiftini hjá fiskimonnunum.

Nógv viðurskifti eftir at loysa

Sitandi formaðurin í Føroya Fiskimannafelag, Jan Højgaard, hevur verið formaður í felagnum í 15 ár.

Jan Højgaard vil fegin halda fram, tí hann hevur fleiri viðurskifti, sum eru eftir at loysa, og sum hann fer at leggja stóran dent á at fáa loyst:

Kunnu velja til sunnudagin

Fiskimenn kunnu velja til og við sunnudagin, og mánadagin verða atkvøðurnar taldar. 

Týsdagin 1. februar tekur tann, sum verður valdur, við sum formaður í Føroya Fiskimannafelag.

Fiskimannafelagið hevur sagt sáttmálan við Reiðarafelagið upp til 1. apríl.