Elsti føroyingur deyður

Elsti føroyingur, Nikala Laurina Franciska Jensen, vanliga nevnd Kala, úr Sumba, er deyð, 106 ára gomul. 

Kala var fødd 3. september 1915. Hon var ættað av Glyvrum, men flutti til Sumbiar sum barn, og búði meginpartin av lívinum í Sumba. Síðstu árini búði hon á ellisheiminum á Tvøroyri.

Kala er elsta kvinna og næstelsta fólk, sum hevur livað í Føroyum. Metið tók hon í fjør.

Tá var elsta konufólk, sum hevur livað í Føroyum, Drikka á Fløtti, frá Gjógv. Drikka gjørdist 105 ár gomul.

Hjá monnum er tað Theodor Thomassen úr Sørvági, sum er elsti maður, og eisini elsta fólk, sum hevur livað í Føroyum.

Theodor var føddur 28. oktober 1908, og hann andaðist 9. mars 2016, 107 ára gamal.