Amerikansk herfólk til Pólland

USA hevur nú sent tey fyrstu herfólkini til Pólland. Tað váttar ein pólskur hernaðartalsmaður fyri pólsku tíðindastovuni PAP í dag.

Eitt amerikanskt hernaðarflogfar er lent í Pólland, við einum lítlum bólki av herfólkum.

Samanlagt ætlar USA at senda 1.700 herfólk til Pólland. Umframt tað verða 300 herfólk sendi til Týsklands. Eisini verða áleið 1000 herfólk, ið longur er á amerikanskum hernaðarstøðini í Týsklandi, flutt til Rumenia.

Endamálið er at styrkja hjáveruna hjá USA í Eysturevropa.