Biden væntar framvegis innrás

Amerikanski forsetin, Joe Biden, tók í gjárkvøldið uppaftur, at hann væntar framvegis, at Russland fer at gera innrás í Ukraina, eisini høvuðsstaðin, Kiev.

Joe Biden segði í eini røðu, sum var sjónvarpað, at Russland við falstíðindum roynir draga Ukraina upp í eitt kríggj. Og tað verður fyrsta dagin, legði hann aftrat.

Forsetin segði, at vónir eru kortini knýttar at fundinum, sum amerikanski uttanríkisráðharrin, Antony Blinken, og russiski starvsbróðir hansara, Sergej Lavrov, fara at hava í næstu viku.

- Loypur Russland á Ukraina fyri henda fundin, hevur Russland eisini latið dyrnar aftur fyri einari diplomatiskari loysn, segði Biden í røðuni.

Hann legði dent á, at USA, ES og Nato standa saman.

- Hóast Russland roynir at syndra okkum, standa vit saman og eru samd, segði Joe Biden.