Lavrov fúsur at hitta Blinken

Russiski uttanríkisráðharrin, Sergej Lavrov, er framvegis fúsur at hitta amerikanska uttanríkisráðharran, Antony Blinken, sum teir samdust um í farnu viku.

Tað upplýsa stjórnarkeldur í Kreml.

- Vit eru fús til samráðingar, hóast tíðirnar eru spentar, sigur talskvinnan fyri russisku myndugleikarnar, Maria Zakharova.

Í gjár var greitt, at Blinken arbeiddi við eini ætlan uym at hitta Lavrov hósdagin, og at uttanríkisráðharrarnir skuldu fyrireika ein fund ímillum forsetarnar, Vladimir Putin og Joe Biden.

Fáar tímar seinni var greitt, at Vladimir Putin viðurkendi ukrainsku landspartarnar, Donetsk og Lugansk, sum sjálvstøðugar, og í gjárkvøldið gav hann russiska herinum boð um at fara inn í landspartarnar, fyri at tryggja lóg og landaskil.

Fólk í Eysturukraina siga seg longu hava sæð russiskar stríðsvognar í landspørtunum, skrivar NTB.