Landsinnsavningin hjá Bláa Krossi útsett

Árliga landsinnsavningin hjá Bláa Krossi Føroya, ið eftir ætlan skuldi verða sunnukvøldið 27. mars, og sendast beinleiðis í Kringvarpinum, verður útsett til í heyst.

Blái Krossur sigur, at felagsskapurin vil geva rúm og pall til at stuðla hjálpararbeiðnum, ið einstaklingar og neyðhjálparfeløg taka stig til, nú kríggj herjar í Ukraina. 

Árliga landsinnsavnanin hjá Bláa Krossi Føroya verður í staðin leygarkvøldið 1. oktober.

Talan verður um eina beinleiðis sending í Kringvarpinum, við samrøðum, innsløgum um virksemið hjá Bláa Krossi og tónleiki.

Peningurin, ið kemur inn, fer m.a. til fyribyrgjandi arbeiðið hjá Bláa Krossi millum børn, ung og familjur í Føroyum.