Russland og Ukraina gjørdu eingi framstig

Eingi framstig vóru gjørd í samráðingunum ukrainska og russiska uttanríkisráðharran um eina vápnahvíld í Ukraina.

Ukrainski uttanríkisráðharrin, Dmytro Kuleba, og russiski starvsbróður hansara, Sergej Lavrov, hittust í Antalya i Turkalandi fyrrapartin. Turkaland tók stig til fundin.

Dmytro Kuleba letur kortini upp fyri møguleikanum at hitta Sergej Lavrov aftur seinni.

Hava lagt uppskot fram

Sergej Lavrov sigur, at hann brúkti fundin til at minna Ukraina á, at Russland hevur lagt fram uppskot um, hvussu kreppan kann loysast.

Lavrov sigur eisini, at Vladimir Putin, forseti, vísir ikki aftur at hitta ukrainska forsetan, Volodymyr Zelenskyj, á máli um ávís evni.

Russiski uttanríkisráðharrin sigur, at hernaðarliga átakið í Ukraina gongur sum ætlað. Hann sigur eisini, at vesturheimurin hevur eina "vandamikla atferð í kreppuni," sum hann málber seg.