Øll doyðu í flogvanlukku í Kina

Einki av teimum 132 fólkunum, sum vóru við kinesiska flogfarinum, ið datt niður í gjár, er funnið á lívi, upplýsa myndugleikarnir.

Myndugleikarnir upplýsa, at alt tóktist at vera í lagi hjá flogfarinum, til tað eftir stuttari tíð dalaði ímóti jørðini, og endaði við at detta niður.

Enn er ikki greitt, hví flogfarið datt niður, upplýsa kinesisku myndugleikarnir.

Flogfarið var seks ára gamalt og av slagnum, Boeing 737-800.

Flogfarið var eitt av teimum, sum var bygt undan Max-fløgførunum hjá Boeing, ið misti loyvið at flúgva eftir tvær álvarsligar vanlukkur í 2018 og í 2019.

Sí videomyndir av vrakinum av niðurdotna flogfarinum frá AP-tíðindastovuni her: