Heldur fram sum NATO-aðalskrivari

Jens Stoltenberg heldur fram sum aðalskrivari í NATO, eitt ár longur enn ætlað, til 30. september 2023.

Tað váttar Jens Stoltenberg sjálvur fyri løtu síðani.

Orsøkin er kríggið millum Russland og Ukraina.

Jens Stoltenberg skuldi eftir ætlan fara frá sum NATO-aðalskrivari 30. september í ár.

Tá skuldi hann taka við sum stjóri fyri norska tjóðbankan. Eitt starv, sum hann ídag hevur sagt frá sær.

Løtu seinni boðaði norska fíggjarmálaráðið frá, at Ida Wolden Bache verður tjóðbankastjóri næstu seks árini. Hon hevur síðstu vikurnar virkað sum fyribils tjóðbankastjóri.