VIDEO: Russar leypa á Odessa

Fleiri spreingingar vóru tíðliga í morgun í ukrainska havnarbýnum Odessa, og tjúkkur roykur sæst yvir býnum.

Einki er frætt um, at nakar hevur latið lív í rakettálopinum.

Myndugleikarnir í Odessa siga, at tað eydnaðist ukrainskum deildum at skjóta fleiri russiskar rakettir niður, áðrenn tær raktu.

Sí videomyndir frá AP-tíðindastovuni frá russiska álopinum á Odessa her:

Russland hevur seinastu dagarnar hert kríggið í landsynningspartinum av Ukraina, vísa bretskar fregnartænastuupplýsingar.

Ukrainski forsetin, Volodymyr Zelenskyj, sigur eisini, at Russland roynir nú at fáa valdið sunnanfyri og eystanfyri í Ukraina.