Átta milliónir kr. til havgransking

7,8 mió. kr. eru nú leysar at søkja til havgransking í Norðuratlantshavi.

Í fyrraárið játtaði danska stjórnin 25,5 mió. kr. til havgransking á fíggjarlógini. Játtanin fór til til havgransking kring Føroyar og í Norðuratlantshavi. 

Edmund Joensen, fólkatingslimur fyri Sambandsflokkin, arbeiddi fyri at fáa játtanina, skrivar Sambandsflokkurin á Fólkatingi í tíðindaskrivi.

Ph.d-verkætlanir

Í 2021 vóru 16 mió. kr. leysar at søkja úr puljuni, og 14 mió. kr. vórðu játtaðar til tvær ph.d.-verkætlanir og tvær post.doc-verkætlanir við luttakarum frá stovnum í Grønlandi, Føroyum og Danmark umframt Noregi og Skotlandi.

Nú er aftur leyst at søkja um stuðul úr Granskingarráðnum, sum umsitur játtanina. 7,8 mió. kr eru leysar at søkja, og stuðul verður væntandi latin 2 ella 3 verkætlanum.

Umsóknarfreistin er 25. august.  

Meira kann lesast um treytir og annað her.