Mariupol: Biðja ukrainar leggja vápnini

Russland hevur nu biðið ukrainskar hermenn í Mariupol um at leggja vápnini og geva seg yvir. Um teir gera hetta áðrenn á middegi í dag, skuldu teir sambært russiskum keldum vera eiraðir. 

Tað eru tó framvegis onki, sum bendir á, at ukrainsku herdeildirnar hava gjørt eftir russisku boðunum, skrivar Reuters.

Sambært russiska verjumálaráðnum fóru russar at vinda flaggið á stong í Mariupol klokkan seks í morgum, meðan ukrainar eisini vórðu bidnir um at vinda hvíta flaggið á stong sum tekin um vápnahvíld.

Óviss lagna
Enn eru hvørki upplýsingar komnar frá ukrainskum ella russiskum keldum um, at býurin er fallin á russiskar hendur. 

Mett verður, at umleið 100.000 fólk framvegis eru í Mariupol, sum í stóran mun er tikin av russum, skrivar CNN.

Sambært ukrainska forsetanum, Volodymyr Zelensyj, er støðan í Mariupol sera álvarslig og ómenniskjanslig.

- Russar halda áfram við at leggja ukrainskar býir í oyði, og í Mariupol royna teir at rudda øll fólkini í býnum út, sigur Zelenskyj.