Altjóða ráðstevna um lús

Ein stór altjóða ráðstevna um lús í alibrúkum byrjar í Norðurlandahúsinum í morgin. Tað er Fiskaaling, sum skipar fyri ráðstevnuni, undir heitinum "Sea Lice International Conference."

Talan er um eina ráðstevnum, sum longu skuldi verið hildin, men sum orsakað av koronu mátti útsetast.

Sambært Fiskaaling er talan um framløgur frá heimsins fremstu granskarum og vísindafólki á økinum, eins og umboðum fyri alivinnuna.

Lúsaavbjóðingin ger seg galdandi í alivinnuni kring allan heim, og ráðstevnan fer at leggja fram nýggjastu granskingarúrslit, eins og fleiri vinnufyritøkur siga frá loysnum, sum eru hava ment fyri at tálma lúsini.

Ráðstevnan byrjar í morgin klokkan 8.45, har Jóhanna Lava Køtlum, stjóri á Fiskaaling, bjóðar vælkomið, og síðani setir Magnus Rasmussen, landsstýrismaður í vinnumálum, ráðstevnuna.

Hoyr Jóhonnu Lava Køtlum í útvarpstíðindunum:

Jóhanna Lava Køtlum

Jóhanna Lava Køtlum er stjóri í Fiskaaling.