Einki russiskt gass gjøgnum Pólland

Russiski orkuveitarin, Gazprom, fer ikki longur at flyta gass gjøgnum Pólland, eftir at Moskva hevur sett tiltøk í verk móti felagnum, sum eigur pólska partin av sonevndu Yamal-gassleiðingini.

Tað skrivar Reuters.

- Bann fyri keypi og sølu til feløg, sum er rakt av tiltøkunum, er sett í verk, skrivar Gazprom í tíðindaskrvi.

Tað merkir, at russiskt gass ikki verður flutt gjøgnum Pólland í gassleiðingina, sum EuRoPol-Gaz eigur.