Carla Sands tapti undanval

Fyrrverandi amerikanska sendikvinnan í Danmark, Carla Sands, sum eisini vitjaði í Føroyum, fekk ikki serliga stóra undirtøku á undanvalinum upp undir miðvalið í Pennsylvania í USA í november.

Hon stillaði upp fyri republikanska flokkin til senatið.

Tá ið 99 prosent av atkvøðunujm vórðu tald, hevði Carla Sands bert fingið 5,7 prosent av atkvøðunum, skrivar Ritzau.

Kappingin um at vinna valið var ímillum Dave McCormick, sum stóð til at fáa 31,4 prosent, Mehmet Oz, 31,2 og Kathy Barnatte, sum stóð til at fáa 24,4 prosent av atkvøðunum.

Sostatt er ikki líkt til, at Carla Sands verður vald í senatið.