Fjórðingsfinalurnar í steypakappingini í kvøld

Fjórðingsfinalurnar í steypakappingini í kvøld
Í kvøld verða fjórðingsfinalurnar í steypakappingini spældar. Størsti dysturin er ímillum B36 og Víking í Gundadali
B36, sum vann steypakappingina í fjør, tekur ímóti Víkingi í kvøld
 
18.05.2022 - 16:08

B36 tekur ímóti Víkingi í helst størsta dystinum í fjórðingsfinalunum í steypakappingini, sum verða spældar í kvøld.

HB tekur ímóti AB, ÍF vitjar KÍ við Djúpumýru og TB tekur ímóti 07 Vestur í Trongisvági.

Fjórðingsfinalurnar:

18.00: HB - AB 
18.30: KÍ - ÍF
18.45: TB - 07 Vestur
20.00: B36 - Víkingur

KVF sigur frá tveimum dystum í útvarpinum. Tað verða teir báðir dystirnir á Ovara vølli í Gundadali, HB ímóti AB og B36 ímóti Víkingi.

Nýggj stroymingtænasta vísir dystirnar

Fjórðingsfinalurnar í kvøld verða stroymdar. Nýggja stroymingtænastan, stroyming.com, sum Ø-Media eigur, bjóðar hyggjarum at keypa einstakar ella allar dystirnar hetta umfarið.

Kostnaðurin fyri hvønn dyst er 75 krónur, men til ber at keypa sær allar dystirnar fyri 133 krónur.

 – Higartil hava dystirnir í kappingini um Løgmanssteypið ikki verið stroymdir á einum stað. Tó hava onkur feløg stroymt sínar egnu dystir, men tað hevur verið ikki eitt samlað stað. Eg vóni, at føroyingar fara at taka væl ímóti hesi tænastuni, sigur Búgvi Øster frá Ø-Media sambært Dimmalætting.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584