140 lærarar kappast um 30 føst størv

140 lærarar skulu kappast um 30 føst størv næsta skúlaár.

Tað sigur Lærarafelagið.

Í løtuni eru 100 lærarar í tíðaravmarkaðum starvi í fólkaskúlanum. 

Harumframt koma 31 nýútbúnir lærarar úr Námsvísindadeildini á Fróðskaparsetrinum í summar. Og nøkur eru útbúgvin í læraraskúla í Danmark. 

Ov nógv tíðaravmarkað størv

Vanliga søkja flestu teirra starv alt fyri eitt. 30 føst størv eru leys at søkja.

Alt ov nógvir lærarar eru bara settir í starv í eitt ár, heldur Føroya lærarafelag.

Hetta skúlaárið eru 89 tíðaravmarkað størv í eitt skúlaár, komandi skúlaár eru tey 81.