102 milliónir í halli í fjør

Klaksvíkar kommuna hevði 102,3 mió. kr. í halli fyri avdráttir í fjør.

8,2 mió. kr. fóru til at gjalda lán, men kommunan lænti 123,5 mió. kr. fyri at fíggja hallið.

Netto hækkaðu lánini tí 115,3 mió. kr.

Inntøkurnar hjá Klaksvíkar kommunu vóru 293,8 mió. kr. í fjør, raksturin kostaði 232,8 mió. kr., íløgurnar 148,7 mió. kr., rentustuðulin 3,7 mió. kr. og fíggjarpostarnir 3 mió. kr.

Gjaldførið ikki gott

Gjaldførið er ikki gott, stendur í skránni fyri býráðsfundin í Klaksvík í dag. 

Skuldin er 311 mió. kr., og sum útlitini eru nú fer skuldin at hækka í ár, tí ætlanin er at læna 50 mió. kr. 

Nettoskuldin er 33,4 mió. kr. omanfyri eina álíkning.