Føroysk masterútbúgving í KT-verkfrøði sett á stovn

Føroyski arbeiðsmarknaðurin skríggjar eftir fólkum, sum eru útbúgvin innan KT. 

Í dag er einans gjørligt at lesa KT verkfrøði sum trý ára bachelor útbúgving á Setrinum, men tað verður eftir ætlan broytt í framtíðini.

Fróðskaparsetur Føroya fer næsta summar at bjóða næmingum eina masterútbúgving í KT verkfrøði. KT-vinnan er í rúkandi menning og stórur tørvur er á útbúnum KT-fólkum, sigur útbúgvingarleiðari á Setrinum.

Hannes Gislason er professari og útbúgvingarleiðari í KT-verkfrøði á Fróðskaparsetur Føroya.

Tørvurin á KT-fólki er støðugt vaksandi í Føroyum, og eitt nú hevur KT-felagið víst á tørvin at útbúgva fleiri KT-fólk bæði á bachelor- og masterstigi.

Hannes Gislason

Masterútbúgvingin í KT verkfrøði verður tó ikki klár í summar, tí nógv er eftir at fyrireika.

Frá næsta summar fer Fróðskaparsetur Føroya væntandi at taka næmingar inn hvørt ár til bæði bachelor og masterútbúgvingina í KT-verkfrøði.