Dagføra Sumbiarbergholið í seks stigum

Var bergholið til Sumbiar gjørt í dag, helt tað ikki tey trygdarkrøv, sum nú eru galdandi.

Men tað helt krøvini, sum vóru, tá bergholið var gjørt. Bergholið var liðugt í 1997.

Landsverk gjørdi eina ætlan í 2017 um at dagføra Sumbiartunnilin, sigur Uni Rasmussen, landsstýrismaður, sum hevur svarað einum spurningi frá Sirið Stenberg, løgtingskvinnu.

3,5 mió. kr. eru brúktar til tvey tey fyrstu byggistigini, sum vóru gjørd í 2017 og 2018. Tá fekk bergholið millum annað ljós.

Ætlanin er í seks stigum.

19 mió. kr. skulu brúkast afturat til dagføringina, skal alt við, millum annað ventilatión.