Saudiarabia fer at selja meira olju

02.06.2022 - 14:20
AktueltÚtheimurin
Saudiarabia fer at selja meira olju
OPEC hevur fund í dag, og gitt verður, at OPEC-londini fara at selja meiri olju í juli
Tíðindi ganga um, at Saudiarabia ætlar at selja meiri olju.
 

Saudiarabia rør framundir, at landið er sinnað at selja meiri olju, um russiska sølan av olju fer at minka av nógvu tiltøkunum, sum eru sett í verk ímóti Ruslandi.

Tað skrivar Financial Times, sum sigur seg hava tíðindini frá fimm keldum.

Oljuprísurin fall aftur í morgun, og er lækkaður so mikið hesa vikuna, at ein tunna av olju nú verður seld fyri 114 dollarar. Herfyri var prísurin 120 dollarar fyri tunnuna.

Russland er undir stórum trýsti, tí fyrr í vikuni samtykti ES at gevast við at keypa olju úr Russlandi, sum má flytast sjóvegis. Oljan, sum verður flutt gjøgnum rørleiðingar, sleppur undan. Tveir triðingar av oljuni, sum ES keypir úr Russlandi, verður flutt sjóvegis.

 

Tryggja ikki skip

ES og Bretland hava gjørt avtalu um, at frá í heyst skulu tryggingarfeløg ikki longur tryggja skip og oljuflutningin sjóvegis. Tað kann gera tað torført hjá Russlandi at flyta olju við skipi.

Í dag verður fundur í OPEC, saman við londunum, sum samstarva við felagskapin. Roknað verður við, at londini fara at semjast um at økja søluna av olju eitt sindur í juli.

Ein av keldunum hjá Financial Times sigur, at Saudiarabia og Sameindu Arabisku Emiratini helst eftir fundin í dag fara at almannakunngera, at tey fara at selja meir olju.

OPEC hevur fyrr samtykt, at økja søluna í august og september, men tað er ikki óhugsandi, at tann avgerðin verður framskundað, skrivar Financial TImes.

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750