Finna annað navn fyri apupokur

Heimsheilsustovnurin, WHO, sigur, at arbeitt verður við at finna annað navn til virussjúkuna apupokur.

ST-stovnurin arbeiðir saman við serfrøðingum um nýtt navn, skrivar BBC.

Boðini koma eftir, at fleiri enn 30 granskarar í farnu viku sendu út felagsskriv, har teir mæltu til sum skjótast at finna virussjúkuni og virusinum nýtt navn, sum hvørki er diskriminerandi ella stigmatiserandi.

Teir halda, at umrøðan av virusinum sum "afrikanskt", bæði er óneyv og diskriminerandi.

Seinastu vikurnar eru skrásett umleið 1.600 tilburðir av apupokum í fleiri londum í heiminum.

Fyrr hava flestu tilburðir verið skrásettir í afrikanskum londum.