Tvær milliónir til vesi á Syðradali

Ætlanin er at brúka umleið tvær milliónir krónur til at gera eitt bíðirúm við vesi við ferjuleguna á Syðradali. 

Tað upplýsir Uni Rasmussen, landsstýrismaður í fíggjarmálum, í einum svari til fyrispurning frá Beintu Løwe, tingkvinnu fyri Tjóðveldi. 

Landsstýrismaðurin sigur, at arbeitt hevur verið við at betra umstøðurnar hjá ferðafólki við ferjuleguna, og er tað í hesum sambandi, at tvær milliónir skulu brúkast. 

Í svarinum verður víst á, at ætlanin er at taka málið upp um at játta pening til endamálið í sambandi við fíggjarlógaruppskotið fyri 2023.