Íslendingar farnir at skjóta stórhval

Í gjár byrjaði stórhvalavertíðin í Íslandi, tá tvey skip fóru út at skjóta hval.

Í ár er loyvt at skjóta 161 nebbafiskar og 217 sildrekar.  

Seinastu trý árini er eingin hvalur skotin við Ísland, undantikin ein sildreki í fjør.

Í 2018 vóru stívliga 150 hvalir skotnir.

Síðani byrjað var at telja hval við Ísland í 1987, eru støðugt fleiri nebbafiskar sæddir við Ísland.

Talt verður fimta hvørt ár. Næstu ferð verður talt í 2024.