Jarðskjálvti í Afganistan kravt í minsta lagi 1.000 mannalív

23.06.2022 - 13:41
AktueltÚtheimurin
Jarðskjálvti í Afganistan kravt í minsta lagi 1.000 mannalív
Vánalig samskiftisviðurskifti gera bjargingararbeiðið torført
Hetta er ringasti jarðskjálvti í Afganistan í 20 ár. 3.000 hús eru løgd í oyði.
Mynd: Ritzau Scanpix  
 

Trupult er at sleppa framat særdu fólkunum nógvastaðni í Afganistan eftir harða jarðskjálvtan fyrranáttina, sum hevur kravt meira enn 1.000 mannalív.

Tað skrivar sjónvarpsrásin, Al Jazeera í dag.

Vánalig samskiftisviðurskifti gera bjargingararbeiðið torført, sigur ein talsmaður fyri bjargingarliðið í harðast rakta økinum í Paktika, skrivar Reuters.

Ógreitt er, hvussu nógv fólk doyðu í jarðskjálvtanum.

BBC sigur, at talið á deyðum er farið upp um 1.000, men tíðindastovan Ritzau sigur, at minst 1.500 fólk hava latið lív higartil.

 

Stjórnin í Afganistan biður nú heimssamfelagið um hjálp eftir ringa jarðskjálvtan. (Mynd: Ritzau Scanpix)

 

 

1.000 fólk særd

Í minsta lagi 1.000 fólk eru særd í jarðskjálvtanum, og meira enn 3.000 hús eru javnað við jørðina.

Tað sigur talsmaðurin fyri bjargingarliðini.

Fleiri neyðhjálparstovnar eru í Afganistan, men stjórnin í landinum biður nú heimssamfelagið um hjálp eftir ringa jarðskjálvtan.

Jarðskjálvtin var mátaður til 5,9 á Richter-stiganum, og er tann ringasti í Afghanistan í 20 ár.

 

Ein tyrla hevur verið við hjálp til neyðstødd eftir jarðskjálvtan. (Mynd: Ritzau Scanpix)

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750