Pippi skaðilig fyri nervarnar

Ov nógv blýggj ger, at handilin Nips í SMS afturkallar emaljerað barnakrúss við Pippi Langsokki, ella Smokkuleggi, á. 

Talan er um fýra krúss, sum eru seld í ár.

Blýggj ávirkar nervaskipanina. 

Pippi smokkuleggur

Nervaskipanin hjá børnum er serliga viðkvom.

Fólk, sum hava keypt slíkt krúss í Nipsi í ár, eiga at fara aftur í handilin við krússinum, skrivar Heilsufrøðiliga starvsstovan.

Um fólk hava keypt slíkt krúss í einum øðrum landi, eiga tey at spyrja tann, sum seldi teimum tað, um krússið er eitt teirra við ov nógvum blýggi.