Rok í USA um abort

Hægstirættur í USA hevur sett úr gildi sonevnda “Roe versus Wade”-dómin frá 1973, sum gav kvinnum rætt til fosturtøku. Hetta merkir í veruleikanum, at í USA er fosturtøka ikki longur loyvd. Avgerðin hjá Hægstarætti fer væntandi at hava við sær, at um helvtin av amerikansku statunum nú fara at seta í gildi lógir, sum heilt ella partvíst forbjóða fosturtøku. Longu frammanundan hava 13 statir sovorðnar lógir, ið taka við, skuldi “Roe versus Wade”-dómurin verið settur úr gildi. Amerikanski forsetin, Joe Biden, harmast um avgerðina hjá Hægstarætti, sum hann sigur taka USA hálvtannaðhundrað ár aftur í tíðina.