Framvegis lítið at fáa

Partrolararnir hava framvegis smáligt fiskarí sambært Fiskamarknaðinum.

Fimm pør eru úti. Tey flestu avreiða nú í vikuni. 

Tvey pør fiska gulllaks.

Eitt lítið línuskip er á Føroya banka. Eitt frystilínuskip er á Føroya grunninum, tvey eru á Flemish Kap.

Hini línuskipini liggja. 

Góður streymur og gott veður

Um útróður verður sagt, at streymurin verður hampuligur, og veðrið verður gott, so Fiskamarknaðurin væntar nakað av útróðri í vikuni, sum kemur. Fiskaríið er tó smáligt. Bátarnir fáa mest hvíting.

Ein djúpvatnstrolari fiskar svartkalva í bretskum sjógvi. Ein djúpvatnstrolari liggur.

Tríggir trolbátar eru á landleiðini, og ein er norðanfyri.

Tvey garnaskip fiska svartkalva. Fiskaríð er smáligt.

Tvey fiska havtasku. Fiskaríið er misjavnt, sigur Fiskamarknaður Føroya.