Dýrt at lesa í Føroyum

Meira enn 75 prosent teirra, sum lesa á Fróðskaparsetrinum, noyðast eisini at arbeiða.

Og meira enn triði hvør næmingur, 36 prosent, sigur, at tað hevur neiliga ávirkan á lesturin. 

23 prosent siga seg hava umhugsað at gevast við lestrinum vegna fíggjarstøðuna.

Kanningin hjá Setrinum var gjørd, áðrenn inflatiónin av álvara fór at vaksa.

Miðalaldurin hjá lesandi á Setrinum er 33 ár. 

Meira enn helvtin hevur børn undir 18 ár, og fleiri enn 75 prosent hava egnan bústað. 

- Alt talar fyri, at vit eiga at menna liðiligar lestrarmøguleikar við millum annað parttíðarlestri. Tá kunnu útbúgvingar toyggjast yvir fleiri ár, so høgligari verður hjá fólki at arbeiða samstundis, sigur Chik Collins, rektari á Fróðskaparsetrinum.