- Tíðindi, mentan og ítróttur
Dysturin millum KÍ-Bodø/Glimt útsettur
Dysturin millum KÍ-Bodø/Glimt útsettur
Dysturin millum KÍ og Bodø/Glimt, sum skuldi vera við Djúpumýru í kvøld, týskvøld, er útsettur til mikukvøldið klokkan 18.
![](https://kvf.fo/sites/default/files/styles/grein-ovasta-mynd/public/ki_6.jpg?itok=7hIt0hjh)
Mynd: Sverri Egholm / portal.fo
12.07.2022 - 15:00
Darvaða flogferðslan ávirkar nú eisini fótbóltsdystin millum KÍ og Bodø/Glimt.
Dysturin millum KÍ og norska liðið Bodø/Glimt, ið skuldi spælast í kvøld, er útsettur til mikukvøldið.
Órógv hevur verið á flogferðsluni, og flogfarið við liðnum fekk ikki sett seg í Vágum í gjár, tá liðið skuldi koma higar.
Flogfarið skal eftir ætlan koma í Vágar nú seinnapartin, men tað er ov seint til, at dysturin kann spælast í kvøld.
Evropeiska fótbóltssamgongan, UEFA, og liðini hava avrátt, at frægast er at útseta dystin til í morgin.
Útsetti dysturin millum KÍ og Bodø/Glimt verður spældur við Djúpumýru í annaðkvøld klokkan 18.
Nýggjastu sendingar í ÚV
Nýggjastu sendingar í SV